Al Tahawi: Hadith 3270

٣٢٧٠: ابو سلمہ بن عبدالرحمن نے عبداللہ بن عمرو (رض) سے بیان کیا کہ جناب رسول اللہ (صلی اللہ علیہ وآلہ وسلم) کو میری یہ بات پہنچی کہ میں یہ کہتا ہوں میں ہمیشہ روزہ رکھوں گا تو آپ نے مجھے بلا کر فرمایا تم ہر ماہ میں تین دن روزہ رکھا کرو میں نے کہا میں تو اس سے زائد کی طاقت رکھتا ہوں آپ نے فرمایا ایک دن روزہ رکھو اور دو دن افطار کرو میں نے کہا میں اس سے زائد کی ہمت رکھتا ہوں آپ نے فرمایا ایک دن روزہ رکھو اور ایک دن افطار کرو یہ صوم داؤد ہیں اور یہ تمام (نفلی) روزوں میں متوسط درجہ کے روزے ہیں۔