Al Tahawi: Hadith 3274

٣٢٧٤: ابوالملیح نے بیان کیا کہ میں ابو قلابہ کے والد زید بن عمرو کے ساتھ عبداللہ بن عمرو کی خدمت میں گیا تو انھوں نے ہمیں بیان کیا کہ جناب رسول اللہ (صلی اللہ علیہ وآلہ وسلم) کے سامنے میرے روزے کا تذکرہ ہوا تو آپ میرے ہاں تشریف لائے میں نے آپ کے لیے چمڑے کا گدا بچھایا جس میں کھجور کا چھلکا بھرا تھا آپ زمین پر بیٹھ گئے اور مجھے فرمایا اے عبداللہ ! تمہیں ہر ماہ تین دن کے روزے کافی ہیں میں نے کہا یارسول اللہ (صلی اللہ علیہ وآلہ وسلم) ! (میں اس سے زائد کی طاقت رکھتا ہوں) آپ نے فرمایا پھر پانچ دن۔ میں نے کہا یارسول اللہ (صلی اللہ علیہ وآلہ وسلم) ! (میں اس سے زیادہ کی طاقت رکھتا ہوں) آپ نے فرمایا پھر سات دن میں نے کہا یارسول اللہ (صلی اللہ علیہ وآلہ وسلم) ! آپ نے فرمایا پھر نو دن۔ میں نے کہا یارسول اللہ (صلی اللہ علیہ وآلہ وسلم) ! (میں اس سے زیادہ کی طاقت رکھتا ہوں) تو آپ نے فرمایا گیارہ دن۔ میں نے کہا یارسول اللہ (صلی اللہ علیہ وآلہ وسلم) ! (میں اس سے زیادہ کی طاقت رکھتا ہوں) کہتے ہیں میرا خیال ہے آپ نے تیرہ دن فرمائے میں نے کہا یارسول اللہ (صلی اللہ علیہ وآلہ وسلم) میں اس سے زائد کی طاقت رکھتا ہوں آپ نے فرمایا۔ پھر کوئی روزہ صیام داؤد (علیہ السلام) سے افضل نہیں آدھا زمانہ۔ ایک دن روزہ ایک دن افطار۔