Al Tahawi: Hadith 3328

٣٣٢٨: ابو شیبہ مھری کہتے ہیں کہ میں نے ثوبان سے کہا ہم کو جناب رسول اللہ (صلی اللہ علیہ وآلہ وسلم) کا ارشاد سناؤ انھوں نے کہا میں نے جناب رسول اللہ (صلی اللہ علیہ وآلہ وسلم) کو دیکھا کہ آپ نے قے کی پھر روزہ افطار کردیا۔ امام طحاوی (رح) فرماتے ہیں بعض علماء یہ کہتے ہیں کہ روزہ دار جو جب قے آگئی تو اس کا روزہ ٹوٹ گیا ۔ انھوں نے اپنی دلیل میں اس روایت کو پیش کیا ہے ‘ دیگر علماء نے ان سے اختلاف کرتے ہوئے کہا ‘ اگر اس نے جان بوجھ کر قے کی تو اس کا روزہ جاتا رہا اور اس کو قے آگئی تو اس کا روزہ نہیں ٹوٹا۔
حاصل روایات : ان روایات سے معلوم ہوتا ہے کہ آپ کو قے آئی پھر آپ نے روزہ افطار کردیا روزہ قے سے ٹوٹا تو تبھی بعد میں آپ نے مفطرات کو استعمال فرمایا ورنہ ضرورت نہ تھی۔
الجواب : ان روایات میں تو مذکور نہیں کہ قے سے روزہ ٹوٹ گیا بلکہ بعد میں آپ نے افطار کردیا تو اس سے یہ تو لازم نہ آیا کہ قے سے روزہ ٹوٹا ہے بلکہ عین ممکن ہے قے آئی جس کی وجہ سے کمزوری ضعف پیدا ہوا تو آپ نے روزہ افطار کردیا اور لغوی اعتبار سے یہ اطلاق ہوتا رہتا ہے۔