Al Tahawi: Hadith 3425

٣٤٢٥: ابن ابی ذئب نے مقبری عن ابیہ سے انھوں نے ابوہریرہ (رض) سے انھوں نے جناب نبی اکرم (صلی اللہ علیہ وآلہ وسلم) سے اسی طرح روایت نقل کی ہے۔ ان کا کہنا یہ ہے کہ جناب رسول اللہ (صلی اللہ علیہ وآلہ وسلم) کا ایک دن کو متعین کرنا اس بات کی دلیل ہے کہ اس سے کم مدت کا حکم اس کے خلاف ہے۔ مگر دیگر علماء نے ان کی بات سے اختلاف کرتے ہوئے کہا کہ دو راتوں سے کم مدت کا سفر عورت بغیر محرم کرسکتی ہے مگر دو راتوں سے زیادہ کا سفر محرم کے بغیر درست نہیں ۔ ان کی دلیل یہ روایات ہیں۔ ملاحظہ ہوں۔
حاصل روایات : ان روایات میں ایک دن کی تعیین اس بات کو ثابت کرتی ہے اس سے کم سفر ہو تو پھر محرم کے بغیر سفر کرسکتی ہے۔
فریق رابع کا مؤقف و دلائل :
ہر وہ سفر جس کی مقدار دو راتوں سے کم ہو اس کے لیے بلامحرم سفر درست ہے دو راتیں یا اس سے زائد سفر بلامحرم نہیں کرسکتی یہ حسن و قتادہ کا قول ہے ان کا تذکرہ خالفہم فی ذلک آخرون سے کیا ہے۔