Al Tahawi: Hadith 356

٣٥٦: ایوب نے ابو قلابہ سے اور ابو قلابہ نے اصحاب النبی (صلی اللہ علیہ وآلہ وسلم) میں سے کسی سے روایت نقل کی ہے کہ وہ فرماتے تھے ہم آگ سے پکی ہوئی چیز (کھا کر) وضو کرتے اور دودھ پی کر مضمضمہ کرتے اور کھجور کھا کر کلی نہ کرتے تھے۔ بعض لوگ اس طرف گئے ہیں کہ جس چیز کو آگ تبدیل کر دے اس سے وضو لازم ہے اور اس سلسلے میں انھوں نے ان روایات کو دلیل میں پیش کیا جبکہ دوسرے علماء نے اس کی مخالفت کی اور انھوں نے کہا کہ ان میں سے کسی چیز سے وضو لازم نہیں اور وہ اس سلسلے میں آپ (صلی اللہ علیہ وآلہ وسلم) کے ارشاد کو اختیار کرنے والے ہیں۔
تخریج : پہلے جزء کو مصنف ابن ابی شیبہ نے کتاب الطھارۃ ١؍٥١ میں ذکر کیا ہے۔

حاصل روایات : آگ سے پکی چیز استعمال کرنے کے بعد وضو کیا جائے گا حضرت ابوہریرہ (رض) کی روایت سات اسناد سے اور زید بن ثابت (رض) کی روایت تین اسناد سے اور حضرت ابو طلحہ کی روایت دو اسناد سے اور روایت حضرت عائشہ ‘ سہل بن حنظلیہ اور روایت بذریعہ ابو قلابہ عن ابو عزا (رض) ایک ایک سند سے اور روایت ام حبیبہ (رض) تین اسناد سے ذکر کی ہے۔