Al Tahawi: Hadith 3585

٣٥٨٥: ابوالاسود سے روایت ہے کہ اسماء بنت ابی بکر (رض) کے مولیٰ عبداللہ نے بیان کیا کہ اس نے اسماء سے سنا جبکہ ان کا گزر وادی حجون سے ہوا تو وہ کہنے لگیں اللہ تعالیٰ کے رسول پر رحمتیں نازل ہوں۔ ہم آپ کے ساتھ یہاں اترے ہمارے پاس سامان کم اور سواریاں تھوڑی تھیں۔ زاد راہ بھی تھوڑا تھا میں اور میری بہن عائشہ (رض) نے عمرے کا احرام باندھا اور زبیر اور فلاں فلاں ہمارے ساتھ تھے جب ہم نے بیت اللہ کا طواف کرلیا تو ہم نے احرام کھول دیا پھر شام کو حج کا احرام باندھ لیا۔ یہ حضرت اسماء (رض) اس بات کی خبر دے رہی ہیں کہ جن حضرات نے اس وقت عمرہ سے ابتداء کی تھی انھوں نے اس کے بعد حج کا حرام باندھا تو اس کے ذریعہ وہ متمتع ہوگئے ۔ روایات ذیل میں ہیں۔
تخریج : مسلم فی الحج ١٩٣‘ ابن ماجہ فی المناسک باب ٤١۔
حاصل کلام یہ ہے کہ اسماء خبر دے رہی ہیں کہ جنہوں نے عمرہ سے ابتداء کی تھی انھوں نے اس کے بعد حج کا احرام باندھا اس سے وہ متمتع بن گئے جناب رسول اللہ (صلی اللہ علیہ وآلہ وسلم) نے بھی اسی طرح کیا۔