Al Tahawi: Hadith 3602

٣٦٠٢: علی بن المبارک نے یحییٰ بن ابی کثیر سے پھر انھوں نے اپنی سند سے اسی طرح روایت نقل کی ہے۔ تو اس روایت میں حضرت عمر (رض) نے جناب رسول اللہ (صلی اللہ علیہ وآلہ وسلم) سے روایت کرتے ہوئے فرمایا کہ آپ کے پاس آپ کے رب کی طرف سے ایک آنے والا آیا اور اس نے آپ سے کہا کہ آپ کہہ دیں ” عمرۃ فی حجۃ ‘ ‘ کہ عمرہ حج میں داخل ہے پس جب جناب رسول اللہ (صلی اللہ علیہ وآلہ وسلم) کے حج کے ساتھ عمرے کو ملانے کا حکم دیا گیا تو یہ ناممکن ہے کہ آپ اس کے خلاف کریں جس کا آپ کو حکم دیا گیا۔ اگر کوئی معترض یہ کہے کہ یہ کس طرح ممکن ہے کہ حضرت عمر (رض) سے یہ بات کیسے منقول ہوسکتی ہے جب کہ آپ نے تمتع سے منع فرمایا ؟ اور تم یہ بات ان سے مالک والی روایت میں ذکر کی ہے اور انھوں نے اس سلسلہ میں یہ روایات بھی ذکر کی ہیں۔
اس روایت میں عمر (رض) نے بتلایا کہ وادی عقیق میں آپ کو فرشتہ نے خواب میں آ کر کہا کہ تم کہو کہ عمرہ حج میں داخل ہوگیا ہے جب جناب رسول اللہ (صلی اللہ علیہ وآلہ وسلم) کو حج کے ساتھ عمرے کا حکم فرمایا گیا ہے تو یہ ناممکن ہے کہ جناب رسالت مآب (صلی اللہ علیہ وآلہ وسلم) اس کی خلاف ورزی فرمائیں۔
ایک اشکال :
اس روایت کا عمر (رض) سے نقل ہونا ممکن نہیں۔ حالانکہ انھوں نے متعہ سے روک دیا اور مالک عن زہری عن محمد بن عبداللہ کی روایت گزری کہ عمر (رض) ان سے روکتے تھے اور یہ روایت بھی موجود ہے۔