Al Tahawi: Hadith 3709

٣٧٠٩: عطاء نے ابن عباس (رض) سے روایت کی کہ انھوں نے زید بن ارقم (رض) کو کہا کیا آپ کو معلوم ہے کہ جناب نبی اکرم (صلی اللہ علیہ وآلہ وسلم) کی خدمت میں شکار کا ایک عضو پیش کیا گیا جبکہ آپ حالت احرام میں تھے۔ مگر آپ نے اسے قبول نہ فرمایا تو زید کہنے لگے : جی ہاں۔ (یہ روایت بھی پہلی روایت کی طرح ہے) ۔ اس میں یہ بھی ہے کہ آپ نے اس گوشت کو ہدیہ دینے والے کی طرف واپس کردیا کیونکہ وہ حرام تھا۔ ان کے جواب میں یہ کہا جائے گا کہ یہ مضطرب روایت ہے۔ بعض رواۃ نے تو اسے مذکورہ صورت میں روایت کیا جب کہ دوسروں نے اس کو اس طرح روایت کرتے ہوئے کہا کہ آپ کی طرف حمار وحشی ھدیہ میں بھیجا گیا تھا۔
تخریج : ابو داؤد فی المناسک باب ٤٠۔