Al Tahawi: Hadith 3841

٣٨٤١: ابوالزبیر (رض) نے جابر بن عبداللہ (رض) سے روایت کی ہے انھوں نے جناب نبی اکرم (صلی اللہ علیہ وآلہ وسلم) سے اسی طرح روایت کی ہے۔ انھوں نے کہا کہ جناب نبی اکرم (صلی اللہ علیہ وآلہ وسلم) نے حضرت عائشہ صدیقہ (رض) کو حکم فرمایا جب کہ وہ عمرہ وحج کا احرام باندھے ہوئے تھیں کہ وہ بیت اللہ کا طواف اور صفاء مروہ کے مابین سعی کرے پھر حلال ہو۔ “ پس اس سے یہ دلالت مل گئی کہ طواف میں قارن کا حکم حج وعمرہ دونوں کے لیے ہے اور وہ اسی طرح ایک طواف ہے۔ اس طواف کے علاوہ اس پر اور کوئی چیز نہیں ہے۔ اس قول کے قائلین کے خلاف دلیل یہ ہے کہ یہ روایت اس مذکورہ طریق کے علاوہ دوسرے انداز سے بھی روایت کی گئی ہے۔
حاصل روایت : جناب رسول اللہ (صلی اللہ علیہ وآلہ وسلم) نے عائشہ (رض) کو احرام کی حالت میں عمرے اور حج کا حکم دیا اور بیت اللہ کے طواف و سعی کرنے کے بعد حلال ہونے کا حکم فرمایا اس سے یہ بات ثابت ہوئی کہ قارن کو اپنے حج وعمرہ کی طرف سے ایک طواف و سعی کافی ہے دوسرا کوئی طواف اس کے ذمہ نہیں ہے۔
الجواب :
اس روایت کو دوسری اسناد سے اس طرح بیان کیا گیا ہے تاکہ اس سند کی کمزوری ظاہر ہوجاؤ۔ روایت عروہ عن عائشہ (رض) ۔ آگے ملاحظہ فرمائیں۔