Al Tahawi: Hadith 4044

٤٠٤٤: عکرمہ نے عبداللہ بن رافع مولیٰ امّ سلمہ سے روایت کی ہے وہ کہتے ہیں کہ میں نے حجاج بن عمرو سے اس آدمی کے متعلق پوچھا جس کو احرام کی حالت میں قید کردیا جائے تو انھوں نے جناب رسول اللہ (صلی اللہ علیہ وآلہ وسلم) سے اسی طرح کی روایت نقل کردی میں نے ابن عباس (رض) اور ابوہریرہ (رض) کو یہ بات بیان کی تو انھوں نے اس کی تصدیق کی۔ امام طحاوی (رح) فرماتے ہیں۔ بعض علماء اس بات کو اختیار کرنے والے ہیں کہ محرم حج وعمرہ لنگڑا ہوجائے یا اس کا پاؤں ٹوٹ جائے تو وہ اسی وقت احرام سے نکل جاتا ہے اور اس پر اس کی قضاء ہے جس سے وہ نکلا۔ اگر حج ہے تو حج اور اگر عمرہ ہے تو عمرہ لازم ہوگا اور اس روایت کو انھوں نے استدلال میں پیش کیا ۔ دیگر علماء نے ان سے اختلاف کرتے ہوئے کہا وہ اس وقت احرام سے نہ نکلے گا جب تک اس کی طرف سے ھدی ذبح نہ کی جائے ۔ جب ھدی کا جانور نحر کا کردیا گیا تو وہ حلال ہوجائے گا۔ اور انھوں نے ان روایات سے استدلال کیا ہے۔
حاصل روایت : ان روایات سے ثابت ہوتا ہے کہ محرم بالحج یا بالعمرہ جب لنگڑا ہوجائے یا اس کی ہڈی ٹوٹ جائے اس وقت اس پر قضا لازم ہے اور وہ اس احرام سے حلال ہوجاتا ہے اور حج وعمرہ جو بھی ہو اس کی قضا لازم ہے۔
فریق ثانی کا مؤقف اور دلائل : محصر کو بلادم حلال ہونا جائز نہیں۔ دلائل یہ روایات ہیں۔