Al Tahawi: Hadith 4062

٤٠٦٢ : عبدالعزیز بن عبداللہ الماجشون نے ابراہیم بن عقبہ سے پھر انھوں نے اپنی اسناد سے روایت نقل کی ہے۔
حاصل روایات : ان روایات سے معلوم ہوتا ہے کہ جب اس بچے کا اپنا حج ہے تو بلوغ کے بعد اس کو دوبارہ حج لازم نہ ہوگا۔
فریق ثانی کا مؤقف اور دلیل و جواب :
حج اسلام کی طرف سے بچے کا حج کفایت نہ کرے گا بلکہ بلوغت کے بعد اس پر حج لازم ہوگا۔
مؤقف اول کا جواب :
اس روایت میں تو اتنی بات مذکور ہے کہ کیا بچے کے لیے حج ہے یعنی وہ حج کرسکتا ہے جیسا کہ اس کے لیے نماز ہے حالانکہ وہ نماز فرض نہیں ہے اس کو سب تسلیم کرتے ہیں اسی طرح یہ درست ہے کہ اس کے لیے حج ہو اور وہ فرض نہ ہو یہ روایت تو ان کے خلاف دلیل ہے جو سرے سے بچے کے حج کے قائل نہیں۔ باقی رہے وہ لوگ جو بچے کے حج کے قائل ہیں مگر اس کو حج فرض قرار نہیں دیتے اس روایت میں ان کے خلاف کوئی دلیل نہیں ہے ابن عباس (رض) جو اس روایت کے راوی ہیں وہ بچے کے حج کو فرض قرار نہیں دیتے بلکہ بلوغت کے بعد دوبارہ حج کا حکم فرماتے ہیں اس سے معلوم ہوا کہ تم نے روایت کا جو معنی لیا وہ درست نہیں۔ روایت ابن عباس (رض) یہ ہے۔