Al Tahawi: Hadith 4129

٤١٢٩: ابو صالح نے ابوہریرہ (رض) سے روایت کی کہ جناب رسول اللہ (صلی اللہ علیہ وآلہ وسلم) نے احرام کی حالت میں میمونہ سے نکاح کیا۔ ان کو فریق اوّل نے کہا کہ کون اس قول میں تمہارے پیچھے چلے گا۔ کہ تم کہتے ہو کہ جناب رسول اللہ (صلی اللہ علیہ وآلہ وسلم) نے میمونہ سے نکاح حالت احرام میں کیا۔ لویہ ابو رافع اور میمونہ دونوں بیان کر رہے ہیں یہ نکاح والا سلسلہ آپ نے اس وقت کیا جب آپ احرام میں نہ تھے۔ چنانچہ انھوں نے ذیل کی روایات ذکر کیں۔
ایک اشکال :
حضرت ابو رافع اور میمونہ کا بیان ہے کہ جناب رسول اللہ (صلی اللہ علیہ وآلہ وسلم) نے ان سے حالت حلال میں نکاح فرمایا ہے اور ابو رافع (رض) یہ درمیان میں پیغام لے جانے والے تھے۔ پس حالت احرام میں نکاح کیوں کر ثابت ہوسکتا ہے جبکہ ابن عباس (رض) تو موقعہ پر موجود نہ تھے۔ روایت ابو رافع یہ ہے۔