Al Tahawi: Hadith 4252

٤٢٥٢: ابوبکر بن عبدالرحمن بن حارث نے امّ سلمہ امّ المؤمنین (رض) سے روایت کی ہے انھوں نے خود اسے بتلایا پھر جناب رسول اللہ (صلی اللہ علیہ وآلہ وسلم) سے اسی طرح کی روایت نقل کی ہے۔ جب ان کو جناب رسول اللہ (صلی اللہ علیہ وآلہ وسلم) نے فرمایا اگر تمہارے ہاں سات دن گزاروں گا تو سات دن دوسری بیویوں کے لیے ہوں گے اور جب تین مقرر ہوں تو پھر دوسری بیویوں کے لیے بھی تین ہوں گے اور ان میں سے ہر ایک کے لیے اتنے دن ہوں گے۔ پہلے قول والوں نے کہا اگر آپ کا مطلب لیا جائے تو ثم ادور علی النساء کا کیا مطلب ہوگا۔
اس میں اس بات کا احتمال ہے کہ اگر اس کا مطلب یہ ہو کہ پھر میں تین تین دن کے ساتھ سب پر چکر لگاؤں گا کیونکہ اگر تین دن صرف امّ سلمہ (رض) کا حق ہوتا باقی ازواج کا حق نہ ہوتا تو باقی ازواج کے ہاں سات دن ٹھہرنے کی صورت میں ان کے تین دن امّ سلمہ (رض) کی باری سے شمار نہ ہوتے اور اس سے یہ لازم آتا کہ ہر ایک کے لیے چار چار دن ہوں تو جب حضرت امّ سلمہ (رض) کے پاس سات یوم ٹہرنے کی صورت میں ہر ایک کے لیے سات سات ہوئے تو اسی طرح ان امّ سلمہ (رض) کے پاس تین دن ٹھہرنے سے ان میں سے ہر ایک کے لیے تین تین دن مقرر ہوئے۔
حاصل روایات : ان روایات کے معانی کو قائم رکھتے ہوئے صحیح قیاس یہی ہے اور امام ابوحنیفہ اور ابو یوسف ‘ محمد (رح) کا قول بھی یہی ہے۔