Al Tahawi: Hadith 4373

٤٣٧٣: یونس بن جبیر کہتے ہیں کہ میں نے ابن عمر (رض) سے سوال کیا کہ جو آدمی حیض میں اپنی بیوی کو طلاق دے اس نے کہا کیا تم عبداللہ بن عمر (رض) کو پہچانتے ہو ؟ میں نے کہا ہاں۔ وہ کہنے لگے انھوں نے اپنی بیوی کو حالت حیض میں طلاق دی تو عمر (رض) جناب نبی اکرم (صلی اللہ علیہ وآلہ وسلم) کی خدمت میں آئے اور اس بات کا تذکرہ کیا آپ (صلی اللہ علیہ وآلہ وسلم) نے فرمایا اس کو رجوع کرنے کا حکم دو جب طہر کے ایام آجائیں تو اس کو طلاق دے دے۔ میں نے کہا کیا وہ اسی طلاق سے وہ عدت گزارے گی یعنی کیا وہ تین طلاقوں میں شمار ہوگی یا نہیں تو کہنے لگے بس رک جا۔ تیرا کیا خیال ہے اگر وہ عاجز آئے اور اظہار حماقت کرے تو پھر کیا حکم ہے ؟ ابو بکرہ نے اپنی روایت میں اس جملے کو ذکر نہیں کیا۔