Al Tahawi: Hadith 4408

٤٤٠٨: نافع سے روایت ہے کہ معاویہ (رض) نے زید بن ثابت (رض) کی طرف یہ سوال لکھا (عدت مطلقہ کب ختم ہوگی) تو انھوں نے جواب میں تحریر فرمایا جب مطلقہ تیسرے حیض میں داخل ہوگئی تو وہ اپنے خاوند سے جدا ہوگئی نافع کہتے ہیں کہ ابن عمر (رض) یہی کہتے تھے۔ انھوں نے کہا کہ اصحاب رسول اللہ (صلی اللہ علیہ وآلہ وسلم) کے یہ اقوال دلالت کر رہے ہیں کہ عدت طہر سے شمار ہوگی۔ ان کے جواب میں کہا جائے گا فقط طہر کا عدت ہونا تو تبھی ثابت ہوسکتا ہے جبکہ اس میں اصحاب رسول اللہ (صلی اللہ علیہ وآلہ وسلم) کا اختلاف نہ ہو اور اس پر سب کا اتفاق ہو۔ حالانکہ دیگر اصحاب رسول اللہ (صلی اللہ علیہ وآلہ وسلم) سے ایسے آثار ثابت ہیں جو ثابت کرتے ہیں کہ اقراء طہر نہیں بلکہ اس کے علاوہ ہے۔ ملاحظہ فرمائیں۔ پس جو تم نے ذکر کیا اس میں اس کے خلاف تو کوئی دلیل نہیں ‘ جس سے انھوں نے استدلال کیا کہ اقراء طہر کے علاوہ کوئی چیز ہو۔
نوٹ : اصحاب رسول اللہ (صلی اللہ علیہ وآلہ وسلم) کے یہ اقوال دلالت کر رہے ہیں کہ عدت طہر سے شمار ہوگی۔
جواب فقط طہر کا عدت ہونا تو تبھی ثابت ہوسکتا ہے جبکہ اس میں اصحاب رسول اللہ (صلی اللہ علیہ وآلہ وسلم) کا اختلاف نہ ہو اور اس پر سب کا اتفاق ہو۔ حالانکہ دیگر اصحاب رسول اللہ (صلی اللہ علیہ وآلہ وسلم) سے ایسے آثار ثابت ہیں جو ثابت کرتے ہیں کہ اقراء طہر نہیں بلکہ اس کے علاوہ ہے۔ ملاحظہ فرمائیں۔