Al Tahawi: Hadith 4485

٤٤٨٥: مسلم بن سائب نے اپنی والدہ سے روایت نقل کی کہ جب سائب کی وفات ہوگئی اور انھوں نے مقام قناۃ میں کھیتی وراثت میں چھوڑی اور چھوٹے چھوٹے بچے چھوڑے جن کا بظاہر کوئی ذریعہ نہ تھا میں ابن عمر (رض) کی خدمت میں حاضر ہوئی اور سائب کی وفات اور ان بچوں اور کھیتی کا تذکرہ کیا جو کہ ہمارے لیے گھر اور مکان کی حیثیت رکھتا تھا۔ میں نے پوچھا کیا میں وہاں منتقل ہوجاؤں تو انھوں نے فرمایا تم اپنے اسی گھر میں عدت گزارو جہاں تمہارے خاوند نے وفات پائی ہے دن کے وقت اپنی زمین پر جاؤ اور رات کو اپنے مکان پر لوٹ آؤ اور یہیں رات گزارو۔ چنانچہ میں نے ایسا ہی کیا۔