Al Tahawi: Hadith 4525

٤٥٢٥: بشر بن سعید نے عبداللہ بن انیس (رض) سے روایت کی ہے کہ جناب رسول اللہ (صلی اللہ علیہ وآلہ وسلم) نے فرمایا میں نے اپنے آپ کو دیکھا کہ میں لیلۃ القدر کی رات پانی اور مٹی میں سجدہ کررہا ہوں چنانچہ ایک رات بارش ہوگئی جناب رسول اللہ (صلی اللہ علیہ وآلہ وسلم) نے ہمیں نماز صبح پڑھائی تو میں نے آپ کو دیکھا کہ آپ پانی اور مٹی میں سجدہ کر رہے ہیں اور یہ تئیسویں شب تھی۔ امام طحاوی (رح) فرماتے ہیں : ہم نے اس باب میں حضرت ابن عمر ‘ ابو ذر (رض) کی جو روایات نقل کی ہیں ان میں رمضان کی آخری سات راتوں میں تلاش کا حکم ہے اس میں تین احتمال ہیں۔ وہ آخری سات راتوں میں ہو بقیہ مہینہ میں نہ ہو۔ ان سات راتوں میں ہو اور ممکن ہے مہینہ کی ان کے علاوہ راتوں میں ہو۔ مگر اکثر و بیشتر انہی سات راتوں میں آتی ہو ‘ اس لیے جناب رسول اللہ (صلی اللہ علیہ وآلہ وسلم) نے ان میں تحری کا حکم فرمایا اور حضرت ابن عمر (رض) نے جناب رسول اللہ (صلی اللہ علیہ وآلہ وسلم) سے روایت کی ہے کہ اس کو آخری عشرہ میں تلاش کریں۔ جیسا کہ یہ روایت ہے۔
تخریج : بخاری فی لیلۃ القدر باب ٢‘ ٣‘ مسلم فی الصیام ٢١٣؍٢١٤‘ ابو داؤد فی رمضان باب ٣‘ مالک فی الاعکاف ٩‘ مسند احمد ٣‘ ٧٠؍٦٠۔
امام طحاوی (رح) فرماتے ہیں : ہم نے اس باب میں ابن عمر ‘ ابو ذر (رض) کی جو روایات نقل کی ہیں ان میں رمضان کی آخری سات راتوں میں تلاش کا حکم ہے اس میں تین احتمال ہیں۔
نمبر 1: وہ آخری سات راتوں میں ہو بقیہ مہینہ میں نہ ہو۔
نمبر 2: ان سات راتوں میں اور ممکن ہے مہینہ کی ان کے علاوہ راتوں میں ہو۔ مگر اکثر و بیشتر انہی سات راتوں میں آتی ہے اس لیے جناب رسول اللہ (صلی اللہ علیہ وآلہ وسلم) نے ان میں تحری کا حکم فرمایا
نمبر 3: اور ابن عمر (رض) نے جناب رسول اللہ (صلی اللہ علیہ وآلہ وسلم) سے روایت کی ہے کہ اس کو آخری عشرہ میں تلاش کریں۔ جیسا کہ یہ روایت ہے۔