Al Tahawi: Hadith 4703

٤٧٠٣: دخین الحجری نے عقبہ بن عامر جہنی (رض) سے روایت کی ہے کہ میری بہن نے نذر مانی کہ وہ ننگے سر اور ننگے پاؤں بیت اللہ جائے گی جناب رسول اللہ (صلی اللہ علیہ وآلہ وسلم) اس کے ہاں تشریف لائے اور دریافت فرمایا اسے کیا ہے انھوں نے بتلایا کہ اس نے کعبہ تک ننگے سر ننگے پاؤں چلنے کی نذر مانی ہے۔ ارشاد فرمایا۔ اس کو کہو کہ سوار ہوجائے اور دوپٹہ پہنے۔ امام طحاوی (رح) فرماتے ہیں کہ بعض علماء کا یہ خیال ہے کہ جس آدمی نے یہ نذر مان لی کہ وہ پیدل حج کرے گا تو اسے سوار ہونے کا حکم ہوگا اس کے علاوہ اس پر کوئی چیز لازم نہیں۔ دوسرے علماء نے ان سے اختلاف کرتے ہوئے کہا کہ اسے یہ چاہیے کہ وہ سوار ہوجائے جیسا کہ حدیث میں وارد ہوا۔ اب اگر اللہ علی سے قسم مقصود تھی تو اس کے ذمہ قسم کا کفارہ بھی ہوگا کیونکہ بعض اوقات یہ الفاظ قسم کے لیے آتے ہیں کیونکہ نذر و قسم کا ایک ہی مطلب ہے جناب رسول اللہ (صلی اللہ علیہ وآلہ وسلم) سے اس سلسلہ میں حدیث مروی ہے کہ ان فی النذر کفارۃ یمین کہ نذر میں قسم کا کفارہ ہے چند روایات یہ ہیں۔
تخریج : ترمذی فی النذور باب ١٧‘ باختلاف یسیر من اللفظ و لتختمر۔
لغات : حاسرۃ۔ ننگے سر بلادوپٹے کے ہونا۔ حافیہ۔ ننگے پاؤں ہونا۔
امام طحاوی (رح) کا قول : بعض علماء کا یہ خیال ہے کہ جس آدمی نے یہ نذر مان لی کہ وہ پیدل حج کرے گا تو اسے سوار ہونے کا حکم ہوگا اس کے علاوہ اس پر کوئی چیز لازم نہیں۔
فریق ثانی کا مؤقف : یہ ہے کہ وہ سوار ہوجائے جیسا کہ حدیث میں وارد ہوا۔ اب اگر اللہ علی سے قسم مقصود تھی تو اس کے ذمہ قسم کا کفارہ بھی ہوگا کیونکہ بعض اوقات یہ الفاظ قسم کے لیے آتے ہیں کیونکہ نذر و قسم کا ایک ہی مطلب ہے جناب رسول اللہ (صلی اللہ علیہ وآلہ وسلم) سے اس سلسلہ میں حدیث مروی ہے کہ ان فی النذر کفارۃ یمین کہ نذر میں قسم کا کفارہ ہے چند روایات یہ ہیں۔