Al Tahawi: Hadith 4765

٤٧٦٥: ابو سلمہ اور سعید بن مسیب دونوں نے ابوہریرہ (رض) سے روایت کی ہے کہ ایک اسلمی آدمی جناب رسول اللہ (صلی اللہ علیہ وآلہ وسلم) کی خدمت میں اس حال میں آیا کہ آپ مسجد میں تشریف فرما تھے اور اس نے بیان کیا کہ اس نے زنا کیا ہے تو جناب رسول اللہ (صلی اللہ علیہ وآلہ وسلم) نے اس سے اعراض کیا وہ اسی جانب گیا جس طرف آپ نے منہ پھیرا تھا۔ اس نے پھر بتلایا کہ اس نے زنا کیا ہے اور اس نے اپنے متعلق چار مرتبہ یہ گواہی دی۔ تو جناب رسول اللہ (صلی اللہ علیہ وآلہ وسلم) نے اس کو بلا کر فرمایا۔ کیا تو مجنون ہے ؟ اس نے جواب دیا نہیں۔ آپ نے فرمایا کیا تو شادی شدہ ہے ؟ اس نے کہا جی ہاں۔ پس آپ (صلی اللہ علیہ وآلہ وسلم) نے حکم دیا کہ اس کو عید گاہ میں سنگسار کیا جائے۔
تخریج : بخاری فی الاحکام باب ١٩‘ مسلم فی الحدود ١٦؍٢٢‘ ابو داؤد فی الحدود باب ٢٣‘ ترمذی فی الحدود باب ٥‘ مسند احمد ٢؍٤٥٣۔