Al Tahawi: Hadith 4782

٤٧٨٢: ابو جہم نے براء بن عازب (رض) سے نقل کیا وہ کہتے ہیں کہ میرے اونٹ گم ہوگئے تو میں ان کی تلاش میں نکلا۔ اچانک میں نے گھوڑے آتے ہوئے دیکھے۔ جب پانی والوں نے گھوڑوں کو دیکھا تو وہ میری سمت آئے اور ان خیموں میں ایک کے پاس آئے اور ان میں سے ایک آدمی کو نکالا اور اس کی گردن اڑا دی اور کہنے لگے یہ وہ شخص ہے جس نے اپنے باپ کی منکوحہ سے شادی کرلی تھی تو جناب رسول اللہ (صلی اللہ علیہ وآلہ وسلم) نے ان کی طرف یہ دستہ بھیج کر اس کو قتل کرا دیا ہے۔ امام طحاوی (رح) فرماتے ہیں کہ بعض علماء اس طرف گئے ہیں کہ جو شخص اپنے باپ کی منکوحہ سے شادی کرلے اور اس کو اس کی حرمت کا علم بھی ہو۔ پھر اس سے جماع کیا۔ اس کا حکم زانی جیسا ہے زانی کی حد اس پر قائم کی جائے گی یعنی سنگسار یا کوڑے لگانا۔ انھوں نے مندرجہ بالا آثار کو دلیل بنایا یہ امام ابو یوسف (رح) اور محمد (رح) کا قول ہے اور ان سے اختلاف کرتے ہوئے دوسروں نے کہا ہے کہ یہ نکاح کرنے والے پر زانی کی حد نہ لگے گی۔ مگر تعزیر لازم ہے اور زبردست سزا دی جائے گی (جو حد سے کم ہو) یہ امام ابوحنیفہ (رح) اور سفیان ثوری (رح) کا قول ہے۔
تخریج : ابو داؤد فی الحدود باب ٢٦۔
امام طحاوی (رح) کا قول : بعض علماء اس طرف گئے ہیں کہ جو شخص اپنے باپ کی منکوحہ سے شادی کرے اور اس کو اس کی حرمت کا علم بھی ہو۔ پھر اس سے جماع کیا۔ اس کا حکم زانی جیسا ہے زانی کی حد اس پر قائم کی جائے گی یعنی سنگسار یا کوڑے لگانا۔ انھوں نے مندرجہ بالا آثار کو دلیل بنایا یہ امام ابو یوسف (رح) اور محمد (رح) کا قول ہے۔
فریق ثانی کا مؤقف : نکاح کرنے والے پر زانی کی حد نہ لگے گی۔ مگر تعزیر لازم ہے اور زبردست سزا دی جائے گی (جو حد سے کم ہو)
یہ امام ابوحنیفہ (رح) اور سفیان ثوری (رح) کا قول ہے۔