Al Tahawi: Hadith 5248

٥٢٤٧: شباک نے شعبی (رح) سے انھوں نے ثقیف کے ایک آدمی سے روایت کی ہے کہ ہم نے جناب رسول اللہ (صلی اللہ علیہ وآلہ وسلم) سے سوال کیا کہ وہ ابو بکرہ کو ہمیں واپس کردیں تو آپ نے انکار فرما دیا اور فرمایا وہ اللہ تعالیٰ کی خاطر آزاد شدہ ہے اور اللہ کے رسول نے اس کو آزاد کیا ہے۔ ان روایات میں غور فرمائیں کہ جناب رسول اللہ (صلی اللہ علیہ وآلہ وسلم) نے ابو بکرہ کو آزاد فرما دیا اور ان تمام غلاموں کو بھی آزاد فرما دیا جو قلعہ سے اتر کر آگئے تھے وہ آپ کے موالی بن گئے۔ اس سے یہ بات ثابت ہوگئی کہ ان پر آپ کی ملک عتاق سے قبل کامل تھی اور مسلمانوں کو ان پر ملک حاصل نہ ہوئی تھی۔ اس لیے کہ وہ بغیر لڑائی کے حاصل ہوئے تھے۔ جس طرح کہ وہ بستیاں جن پر پیدل و سوار فوج کو چڑھا کرلے جانے کی ضرورت نہ پڑی۔ یہ خاص جناب رسول اللہ (صلی اللہ علیہ وآلہ وسلم) کے لیے تھے دوسروں کا اس میں حق نہ تھا۔
تخریج : مسند احمد ٤؍١٦٨‘ ٣١٠۔
حاصل روایات : ان روایات میں غور فرمائیں کہ جناب رسول اللہ (صلی اللہ علیہ وآلہ وسلم) نے ابو بکرہ کو آزاد فرما دیا اور ان تمام غلاموں کو بھی آزاد فرما دیا جو قلعہ سے اتر کر آگئے تھے وہ آپ کے موالی بن گئے۔ اس سے یہ بات ثابت ہوگئی کہ ان پر آپ کی ملک عتاق سے قبل کامل تھی اور مسلمانوں کو ان پر ملک حاصل نہ ہوئی تھی۔ اس لیے کہ وہ بغیر لڑائی حاصل ہوئے تھے۔ جس طرح کہ وہ بستیاں جن پر پیدل و سوار فوج کو چڑھا کرلے جانے کی ضرورت نہ پڑی۔ یہ خاص جناب رسول اللہ (صلی اللہ علیہ وآلہ وسلم) کے لیے تھے دوسروں کا اس میں حق نہ تھا۔
(تو گویا نفل سے مراد وہ اموال ہیں جو بغیر لڑائی کے حاصل ہوں اور وہ اس آیت کی مراد ہیں (واللہ اعلم)
اس آیت کی ایک اور تفسیر ملاحظہ ہو۔
مندرجہ بالا دو معانی کے علاوہ بھی اس آیت کی تفسیر کی گئی ہے وہ درج ذیل ہے۔