Al Tahawi: Hadith 5285

٥٢٨٤: ابو لجوزاء سعدی کہتے ہیں کہ میں نے حضرت حسن بن علی (رض) سے دریافت کیا کہ تمہیں جناب رسول اللہ (صلی اللہ علیہ وآلہ وسلم) سے کیا بات یاد ہے ؟ کہنے لگے مجھے یاد پڑتا ہے کہ میں نے صدقہ کی کھجوروں سے ایک کھجور اٹھا کر اپنے منہ میں ڈال لی تو جناب رسول اللہ (صلی اللہ علیہ وآلہ وسلم) نے اس کو میرے منہ سے نکال کر صدقہ کی کھجوروں میں واپس ڈال دیا ایک آدمی نے کہا یارسول اللہ (صلی اللہ علیہ وآلہ وسلم) ! اس بچے کے اس ایک کھجور کھانے سے آپ پر کیا الزام تھا تو آپ نے فرمایا : ہم آلِ محمد کے لیے صدقہ حلال نہیں ہے۔
تخریج : مسلم فی الزکوۃ ١٦١‘ ابو داؤد فی الزکوۃ باب ٢٩‘ دارمی فی الصلاۃ باب ٢١٤‘ مسند احمد ١؍٢٠٠۔