Al Tahawi: Hadith 5317

٥٣١٦: ابو صالح نے ام ہانی (رض) سے روایت کی ہے کہ فاطمہ (رض) کہنے لگیں اے ابوبکر جب تم مرجاؤ گے تو تمہارا کون وارث ہوگا ؟ انھوں نے کہا میری اولاد اور بیوی۔ کہنے لگیں پھر کیا وجہ ہے کہ نبی اکرم (صلی اللہ علیہ وآلہ وسلم) کی وراثت میری بجائے آپ لیتے ہیں ؟ انھوں نے جواب دیا اے جناب رسول اللہ (صلی اللہ علیہ وآلہ وسلم) کی بیٹی آپ کے والد محترم وراثت میں نہ کوئی گھر چھوڑا اور نہ سونا اور نہ غلام۔ حضرت فاطمہ (رض) کہنے لگیں کیا اس حصے کے بھی وارث نہ بنے جو اللہ تعالیٰ کا حصہ ہے جو اس نے ہمارے لیے مقررر کیا اور وہ ہمارا وہ خالص حصہ جو آپ کے ہاتھ میں ہے۔ تو حضرت ابوبکر (رض) نے جواب دیا میں نے جناب رسول اللہ (صلی اللہ علیہ وآلہ وسلم) کو فرماتے سنا وہ لقمہ ہے جو اللہ تعالیٰ نے ہمیں کھانے کو دیا۔ جب میں مرجاؤں تو وہ مسلمانوں میں تقسیم ہوگا۔