Al Tahawi: Hadith 5380

٥٣٧٩: ابن ابی لیلیٰ نے ایک صحابی (رض) سے روایت کی کہ جناب رسول اللہ (صلی اللہ علیہ وآلہ وسلم) نے فرمایا سو تاجروں کو آگے جا کر مت ملو۔ امام طحاوی (رح) فرماتے ہیں : بعض نے ان آثار کو سامنے رکھ کر یہ کہا کہ جس نے آگے جا کر بازار میں آنے سے پہلے جس سامان کو خرید لیا اس کی بیع باطل ہے۔ دوسروں نے کہا جس شہر والوں کو باہر باہر سامان خرید لینے سے نقصان پہنچتا ہو وہ آگے جا کر سودا کرلینا مکروہ ہے مگر خرید لیا تو بیع جائز ہے اور اگر کسی شہر والوں کو اس سے نقصان نہیں پہنچتا تو اس میں کراہت بھی نہیں۔ اس کی دلیل یہ روایات ہیں۔
تخریج : نسائی فی البیوع باب ١٨‘ ابن ماجہ فی التجارات باب ١٦‘ دارمی فی البیوع باب ٣٢‘ مسند احمد ٢؍٤١٠‘ ٤٨٨۔ لغات : الجلب۔ اس سے مجلوب بھیڑ بکریاں وغیرہ سامان تجارت مراد ہے۔
امام طحاوی (رح) فرماتے ہیں : بعض نے ان آثار کو سامنے رکھ کر یہ کہا کہ جس نے آگے جا کر بازار میں آنے سے پہلے جس سامان خرید لیا اس کی بیع باطل ہے۔
فریق ثانی کا مؤقف : جس شہر والوں کو باہر باہر سامان خرید لینے سے نقصان پہنچتا ہو اس کا آگے جا کر سودا کرلینا مکروہ ہے مگر خرید لیا تو بیع جائز ہے اور اگر کسی شہر والوں کو اس سے نقصان نہیں پہنچتا تو اس میں کراہت بھی نہیں۔ اس کی دلیل یہ روایات ہیں۔