Al Tahawi: Hadith 5453

٥٤٥٢: حضرت ابوہریرہ (رض) سے مروی ہے کہ رسول اللہ (صلی اللہ علیہ وآلہ وسلم) نے فرمایا : پھل کو بد و اصلاح سے قبل نہ بیچو۔ امام طحاوی (رح) فرماتے ہیں : سرخ یا زرد پڑنے سے پہلے کھجور کی بیع درخت پر درست نہیں۔ فریق اوّل کا یہ مؤقف ہے انھوں نے مندرجہ بالا روایات سے استدلال کیا ہے۔ فریق ثانی نے ان کی مخالفت کی ہے اور کہا ہے کہ یہ روایات بالکل درست ہیں ہم ان کو اختیار کرنے والے ہیں ان کو چھوڑنے والے نہیں مگر ان کی تاویل وہ نہیں جو فریق اوّل نے کی ہے آپ کا ارشاد پھلوں کی بیع صلاحیت کے ظہور سے پہلے درست نہیں اس میں فریق اوّل کی تاویل کی جہاں گنجائش ہے تو اس کی ایک اور تاویل یہ ہے کہ اس سے پھلوں کی بیع مراد ہے جو کہ درخت پر آنے سے پہلے ہے اور اس صورت میں فروخت کرنے والا ایسی چیز فروخت کررہا ہے جو اس کے پاس نہیں ہے۔ جناب رسول اللہ (صلی اللہ علیہ وآلہ وسلم) نے اس سے منع فرمایا ہے کہ کئی سالوں کے لیے پھلوں کی بیع کی جائے۔ سعید اور ابو سلمہ نے ابوہریرہ (رض) سے روایت کی کہ جناب رسول اللہ (صلی اللہ علیہ وآلہ وسلم) نے فرمایا۔ پھلوں کو صلاحیت ظاہر ہونے سے پہلے مت فروخت کرو۔