Al Tahawi: Hadith 548

٥٤٨: عبداللہ بن علقمہ (رض) بن الفغواء نے اپنے والد سے نقل کیا کہ وہ کہتے ہیں کہ جناب رسول اللہ (صلی اللہ علیہ وآلہ وسلم) جب آپ اھراق الماء یعنی پیشاب سے فارغ ہوجاتے تو ہم آپ سے باتیں کرتے آپ ہماری باتوں کا جواب نہ دیتے ہم سلام کرتے تو آپ سلام کا جواب نہ دیتے یہاں تک کہ یہ آیت اتری : { یَا أَیُّہَا الَّذِیْنَ آمَنُوْا اِذَا قُمْتُمْ إِلَی الصَّلَاۃِ }(المائدہ) پس علقمہ نے اس روایت میں جناب نبی اکرم (صلی اللہ علیہ وآلہ وسلم) سے یہ خبر دی کہ اس آیت کے اترنے سے پہلے جناب نبی اکرم (صلی اللہ علیہ وآلہ وسلم) کے ہاں جنابت والے کا حکم یہ تھا کہ وہ نہ تو کلام کرے اور نہ سلام کا جواب دے یہاں تک کہ اس آیت نے اس حکم کو منسوخ کردیا۔ پس اس آیت کے ذریعہ اس شخص پر طہارت کو خاص طور پر لازم کیا گیا جو نماز کا ارادہ رکھتا ہو۔ پس اس سے یہ ثابت ہوا کہ حضرت ابوجہم ‘ ابن عمر ‘ حضرت علی ‘ ابن عباس اور مہاجر (رض) کی روایت حکم کے لحاظ سے متاخر ہے اور اس بات کی نشاندہی فرمائی ہے۔
تخریج : طبرانی معجم کبیر ١؍٦۔
حاصل روایات : اس روایت میں حضرت علقمہ نے جناب نبی اکرم (صلی اللہ علیہ وآلہ وسلم) سے یہ بات ثابت کردی کہ جنابت کا حکم اس آیت مائدہ کے نزول سے پہلے یہ تھا کہ نہ تو گفتگو کی جائے اور نہ سلام کا جواب دیا جائے۔
نمبر ١: اللہ تعالیٰ نے اس آیت سے یہ حکم منسوخ کردیا اور طہارت کا حکم اس کے لیے لازم قرار دیا جو نماز ادا کرنا چاہتا ہو۔
نمبر ٢: اس سے یہ بھی ظاہر ہوگیا کہ ابوالجہم ‘ ابن عمر ‘ ابن عباس اور مہاجر بن قنفذ (رض) والی تمام روایات منسوخ ہیں اور حضرت علی (رض) والی روایت میں جو حکم موجود ہے وہ ان روایات میں مذکورہ حکم سے مؤخر ہے اور اس کی مزید تائید مقصود ہو تو مندرجہ ذیل روایات ملاحظہ کریں۔