Al Tahawi: Hadith 5495

٥٤٩٤: سلیمان بن عتیق نے جابر بن عبداللہ (رض) سے روایت کی ہے کہ جناب نبی اکرم (صلی اللہ علیہ وآلہ وسلم) نے ہلاک شدہ پھل کو نکال دینے کا حکم فرمایا۔ امام طحاوی (رح) فرماتے ہیں کہ علماء کی ایک جماعت کہتی ہے کہ اس جائحہ (ہلاکت) جس کے نقصان کو اصل سے نکالنے کا حکم ان روایات میں مذکور ہے اس سے مراد پھلوں کا نقصان ہے اس کی شرط یہ ہے کہ خریدنے کے بعد اس کو قبضہ میں لے لے اور اس کے پاس پھل اتنا تباہ ہو کہ پھل کا تیسرا حصہ یا اس سے زیادہ تباہ کر دے وہ کہتے ہیں کہ اس آفت کی وجہ سے مشتری سے اس کی قیمت باطل ہوجاتی ہے اور اگر وہ ہلاکت معمولی نقصان کر دے تو وہ خریدار کے مال کا نقصان سمجھا جائے گا اور اس کی قیمت میں سے کوئی چیز کم نہ کی جائے گی نہ قلیل نہ کثیر۔ یہ اس روایت کی طرح ہے جس کو جابر (رض) نے روایت کیا ہے۔
تخریج : مسلم فی المساقات ١٧‘ نسائی فی البیوع باب ٣٠۔