Al Tahawi: Hadith 5522

٥٥٢١: عمرہ بنت عبدالرحمن (رض) سے روایت ہے کہ بریرہ (رض) حضرت عائشہ (رض) سے معاونت لینے آئیں تو حضرت عائشہ (رض) نے فرمایا اگر تمہارے مالک پسند کریں تو میں ان کو یکمشت رقم دے دوں اور تمہیں آزاد کر دوں۔ بریرہ (رض) نے یہ بات اپنے مالکوں کو ذکر کی تو انھوں نے کہا ہم اس شرط پر کرنے کو تیار ہیں کہ تمہاری ولاء ہمیں ملے۔ مالک کہتے ہیں کہ یحییٰ نے بتلایا کہ عمرہ کا خیال یہ ہے کہ حضرت عائشہ (رض) نے یہ بات جناب رسول اللہ (صلی اللہ علیہ وآلہ وسلم) کی خدمت میں ذکر کی تو آپ نے ان کو خرید کر آزاد کرنے کا حکم فرمایا اور فرمایا ولاء تو آزاد کرنے والے کو ملتا ہے۔