Al Tahawi: Hadith 6821

٦٨١٨: زرارہ نے حضرت عائشہ (رض) سے وہ فرماتی ہیں کہ جناب رسول اللہ (صلی اللہ علیہ وآلہ وسلم) جس کسی مجلس سے اٹھنے لگتے تو یہ پڑھتے۔ ” سبحانک اللّٰہم۔۔۔“ میں نے گزارش کی یارسول اللہ (صلی اللہ علیہ وآلہ وسلم) ! جب آپ مجلس سے اٹھتے ہیں تو یہی کلمات کہتے ہیں آپ نے فرمایا ان کلمات کو جب کوئی آدمی اپنی مجلس سے اٹھتے ہوئے کہہ لیتا ہے تو اس کے گناہ بخش دیئے جاتے ہیں جو کہ اس سے اس مجلس میں سرزد ہوئے۔ یہ جناب رسول اللہ (صلی اللہ علیہ وآلہ وسلم) سے وہی مروی ہے جو ہم نے ذکر کیا اور ہمارے نزدیک یہ بہتر قول ہے کیونکہ اللہ تعالیٰ نے قرآن مجید میں اس کا حکم فرمایا ہے۔ ” فتوبوا الی بارئکم “ (البقرہ : ٥٤) اور فرمایا : ” توبوا الی اللہ توبۃ نصوحا “ (التحریم : ٨) اللہ تعالیٰ سے خالص توبہ کرو۔ مندرجہ بالا آثار میں بھی اسی بات کا حکم فرمایا اسی وجہ سے ہم نے اس کلمہ کو مباح قرار دیا اور ابو جعفر کے قول کی مخالفت کی ہے۔ اللہ تعالیٰ نے اپنی کتاب میں توبہ کا حکم فرمایا ہے کہ وہ توبہ کریں اور توبہ تو گناہ کے چھوڑنے کو کہا جاتا ہے اور اس کی طرف دوبارہ نہ لوٹنا اور تبنا کا لفظ توبہ نہیں بلکہ یہ تو گناہ سے خروج ہے۔ اور اس کی طرف نہ لوٹنا ہے اور اسی طرح قرآن مجید میں فرمایا ہے۔ ” توبوا الی اللہ توبۃ نصوحا “ (التحریم : ٨)