Al Tahawi: Hadith 6868

٦٨٦٥: سعید بن مسیب نے روایت کی ہے کہ حضرت عمر (رض) کا گزر حضرت حسان (رض) کے پاس سے ہوا وہ مسجد رسول اللہ (صلی اللہ علیہ وآلہ وسلم) میں شعر پڑھ رہے تھے آپ نے ان کو ڈانٹا۔ تو حسان (رض) نے ان کی طرف متوجہ ہو کر فرمایا میں اس میں شعر پڑھا کرتا تھا اور اس مجلس میں وہ ہستی ہوتی جو تم سے بہتر تھی تو حضرت عمر (رض) (یہ سن کر) آگے چل دیئے۔ تو حسان (رض) نے ابوہریرہ (رض) کو کہا کیا تم نے جناب رسول اللہ (صلی اللہ علیہ وآلہ وسلم) کو یہ فرماتے نہیں سنا اے حسان ! تم جناب رسول اللہ (صلی اللہ علیہ وآلہ وسلم) کی طرف سے جواب دو ۔ اے اللہ تو روح القدس سے اس کی مدد فرما۔ تو انھوں نے کہا اللہ کی قسم یہ اسی طرح ہے۔
تخریج : مسلم فی فضائل الصحابہ ١٥١؍١٥٢‘ نسائی فی المساجد باب ٢٤‘ مسند احمد ٢؍٢٦٩۔