Al Tahawi: Hadith 7079

٧٩٧٦: ابن شہاب کہتے ہیں کہ مجھے حضرت انس (رض) نے بتلایا کہ میں پردے کے معاملے میں سب سے زیادہ علم رکھتا ہوں کہ کس سلسلے میں وہ آیت اتری سب سے پہلی آیت کا وہ موقع ہے جب حضرت زینب (رض) کے ساتھ رسول اللہ (صلی اللہ علیہ وآلہ وسلم) کی شادی ہوئی اور آپ نے شب زفاف گزاری آپ نے لوگوں کو کھانے کے لیے بلایا وہ آئے اور چلے گئے ایک جماعت ان میں سے رسول اللہ (صلی اللہ علیہ وآلہ وسلم) کے پاس رکی رہی اور کافی دیر وہ ٹھہرے چنانچہ رسول اللہ (صلی اللہ علیہ وآلہ وسلم) اٹھ کر باہر نکلے اور میں بھی آپ کے ساتھ نکلا یہاں تک کہ آپ حجرہ عائشہ (رض) کے چوکھٹ تک پہنچ گئے پھر جناب رسول اللہ (صلی اللہ علیہ وآلہ وسلم) نے گمان کیا کہ وہ نکل چکے ہیں تو آپ لوٹے اور میں بھی آپ کے ساتھ ہی لوٹا آپ حضرت زینب کے مکان میں داخل ہوئے تو وہ بیٹھے تھے جناب رسول اللہ (صلی اللہ علیہ وآلہ وسلم) پھر لوٹ گئے اور میں بھی آپ کے ساتھ لوٹا یہاں تک کہ آپ حجرہ عائشہ (رض) کے چوکھٹ تک پہنچ گئے اور آپ نے یہ گمان کیا کہ وہ نکل چکے ہوں گے تو آپ واپس لوٹ آئے اور میں بھی آپ کے ساتھ لوٹا وہ تو نکل چکے تھے تو اس وقت رسول اللہ (صلی اللہ علیہ وآلہ وسلم) نے میرے اور اپنے درمیان پردہ ڈال دیا اور اللہ تعالیٰ نے آیت حجاب اتار دی۔
تخریج : بخاری فی تفسیر ٣٣‘ باب ٨‘ والنکاح باب ٦٧‘ مسند احمد ٣؍٢٤١۔