Al Tahawi: Hadith 856

٨٥٦: عیسیٰ بن طلحہ بن عبید اللہ کہتے ہیں کہ ہم معاویہ بن ابی سفیان (رض) کے پاس تھے جبکہ مؤذن نے اذان دی اور اس نے اللہ اکبر اللہ اکبر کہا تو معاویہ (رض) نے اللہ اکبر اللہ اکبر کہا اسی طرح اشہد ان لا الٰہ الا اللہ کہا تو انھوں نے اشہد ان لا الٰہ الا اللہ کہا مؤذن نے اشہد ان محمدا رسول اللہ کہا تو معاویہ نے اشہد ان محمدا رسول اللہ کہا یہاں تک حیی علی الصلاۃ اور حی علی الفلاح تک پہنچے تو لا حول ولا قوۃ الا باللہ کہا۔ یحییٰ راوی کہتے ہیں کہ ایک آدمی نے مجھے بیان کیا کہ معاویہ (رض) نے جب یہ کلمات کہے تو فرمایا اسی طرح ہم نے تمہارے پیغمبر (صلی اللہ علیہ وآلہ وسلم) کو فرماتے سنا۔
تخریج : بخاری فی الجمعہ باب ٢٣‘ والاذان باب ٧‘ مسند احمد ٤؍٩١‘ ٩٢‘ مصنف عبدالرزاق نمبر ١٨٤٥‘ مصنف ابن ابی شیبہ کتاب الصلاۃ ١؍٢٢٦۔