Al Tahawi: Hadith 973

٩٧٣: ابو صالح نے حضرت ابوہریرہ (رض) سے روایت کی ہے جناب رسول اللہ (صلی اللہ علیہ وآلہ وسلم) نے عشاء کو مؤخر فرمایا یہاں تک کہ رات کا ثلث حصہ گزر گیا یا گزرنے کے قریب ہوگیا پھر آپ (صلی اللہ علیہ وآلہ وسلم) تشریف لائے اور بعض لوگ سو رہے تھے اور وہ کپڑوں سے ننگے تھے آپ سخت ناراض ہوئے پھر فرمایا اگر لوگوں کو گوشت والی ایک ہڈی یا دو پائے کی طرف بلایا جاتا تو وہ ضرور جاتے مگر اس نماز سے وہ پیچھے رہنے والے ہیں میں نے فیصلہ کرلیا ہے کہ میں کسی کو حکم دوں کہ وہ لوگوں کو نماز پڑھائے پھر میں ان لوگوں کے گھروں کی طرف جاؤں جو نماز سے پیچھے رہتے ہیں اور ان کو آگ سے جلا دوں۔
اللغات : عرون۔ عارون من الثیاب یا بقول عینی یہ عزون جمع عزۃ ‘ حلقہ بنا کر بیٹھنا۔
تخریج : مصنف ابن ابی شیبہ کتاب الصلاۃ ٢؍١٩٠‘ ١٩١۔