Al Tahawi: Hadith 991

٩٩١: زر بن عبیداللہ العبدی کہتے ہیں کہ میں نے ابن عباس (رض) کو فرماتے سنا کہ صلوۃ وسطیٰ وہ نماز عصر ہے۔ جب حضرت ابن عباس (رض) کی روایات اس سلسلے میں مختلف ہوگئیں تو اب ہم اس سلسلے میں دیگر حضرات کی روایات دیکھنا چاہتے ہیں۔ بعض حضرات تو اس طرف گئے ہیں کہ اس سے عصر کے علاوہ نماز مراد ہے اور جناب نبی اکرم (صلی اللہ علیہ وآلہ وسلم) سے بھی اس پر دلالت کرنے والی روایات موجود ہیں ‘ ملاحظہ ہوں۔
تخریج : مصنف ابن ابی شیبہ کتاب الصلاۃ ٢؍٥٠٤۔
حاصل : ابن عباس (رض) کی یہ روایت تو صلوۃ وسطیٰ نماز عصر کو ثابت کرتی ہے جب کہ پہلے روایت گزری وہ نماز فجر کو وسطیٰ ثابت کرتی ہے اب ان سے روایات مختلف ہونے کی وجہ سے دیگر صحابہ کرام (رض) کی روایات کو دیکھنا ہوگا تاکہ کسی نتیجہ پر پہنچا جاسکے۔
اشکال :
دیگر صحابہ کرام (رض) سے بھی ایسی روایات وارد ہیں جو اس بات پر دلالت کرتی ہیں کہ وہ عصر کے علاوہ ہے اس اشتباہ کی وجہ قراءت غیر معروفہ میں صلوۃ الوسطیٰ کے بعد وصلاۃ العصر آیا ہے۔ عصر کا لفظ تغایر کو ثابت کرتا ہے۔
روایات یہ ہیں۔