١٠٠٦: کھیل بن حرملہ نمری نے ابوہریرہ (رض) سے نقل کیا کہ ابوہریرہ (رض) آئے یہاں تک کہ دمشق میں آل ابی کلثم دوسی کے ہاں قیام کیا پھر مسجد میں آئے اور غربی جانب بیٹھ گئے انھوں نے صلوۃ وسطیٰ کا مذاکرہ کیا اور اس کے بارے میں اختلاف کیا تو ابوہریرہ (رض) کہنے لگے ہم نے بھی اس کے متعلق اختلاف کیا جیسا تم نے اختلاف کیا ہے ہم جناب رسول اللہ (صلی اللہ علیہ وآلہ وسلم) کے گھر کے صحن میں بیٹھے تھے اور ہم میں نیک آدمی ابو ہاشم بن عتبہ بن ربیعہ بن عبد شمس بھی تھا اس نے کہا میں تمہیں اس کے متعلق معلوم کئے دیتا ہوں پس وہ جناب رسول اللہ (صلی اللہ علیہ وآلہ وسلم) کی خدمت میں آیا اور وہ آپ (صلی اللہ علیہ وآلہ وسلم) سے آزادانہ بات کرلیتا تھا اس نے اجازت طلب کی ملنے پر داخل ہوا پھر نکل کر ہماری طرف آیا اور ہمیں اطلاع دی کہ وہ نماز عصر ہے۔
تخریج : المعجم الکبیر ٧؍٣٠١‘ الثقات لابن حبان ٥؍٣٤١‘ مجمع الزواید ٢؍٥٢۔