١٠١٣: عبدالرحمن لبیبہ الطائفی کہتے ہیں کہ میں نے حضرت ابوہریرہ (رض) سے صلوۃ وسطیٰ کے متعلق پوچھا تو کہنے لگے میں عنقریب تمہیں قرآن مجید کی آیات پڑھ کر سناؤں گا تاکہ تو پہچان لے کیا اللہ نے اپنی کتاب میں نہیں فرمایا : { أَقِمْ الصَّلَاۃَ لِدُلُوْکِ الشَّمْسِ } (الاسرائ : ٧٨) {إِلٰی غَسَقِ اللَّیْلِ } (الاسرائ : ٧٨) { وَمِنْ بَعْدِ صَلَاۃِ الْعِشَائِ ثَلَاثُ عَوْرَاتٍ لَکُمْ } عشاء اور فرماتے ہیں :{إِنَّ قُرْآنَ الْفَجْرِ کَانَ مَشْہُوْدًا } (الاسرائ : ٧٨) (الصبح) پھر فرمایا : { حَافِظُوْا عَلَی الصَّلَوَاتِ وَالصَّلَاۃِ الْوُسْطٰی وَقُوْمُوْا لِلّٰہِ قَانِتِیْنَ }(البقرہ : ٢٣٨) وہ عصر وہ عصر ہے۔ اگر کوئی شخص یہ کہے کہ صلوۃ وسطیٰ کا نام صلوۃ عصر کیونکر رکھا گیا تو اس کے جواب میں کہیں گے لوگوں نے اس سے متعلق دو باتیں کہی ہیں۔ بعض لوگوں نے کہا کیونکہ یہ دو رات اور دو دن کی نمازوں کے درمیان واقع ہے۔
تخریج : مصنف ابن ابی شیبہ کتاب الصلاۃ ٢؍٥٠٦۔
صلاۃ وسطیٰ کی وجہ تسمیہ :
اس کے متعلق دو اقوال ہیں :
نمبر ١: اس کو صلوۃ وسطیٰ کہنے کی وجہ یہ ہے کہ یہ دو دو نمازوں کے درمیان میں واقع ہے رات کی نمازیں اور دن کی نمازیں۔ دوسرا قول : جو روایت میں مذکور ہے۔