١٠٤٣: عبد خیر روایت کرتے ہیں کہ حضرت علی (رض) کبھی تو فجر کو خوب روشنی میں ادا فرماتے اور کبھی غلس میں ادا کرتے۔ پس یہ قوی احتمال ہوا کہ تغلیس کو آپ اس لیے اختیار فرماتے تاکہ اس سے اسفار کو پائیں اور یہ فقط انہی کا طرز عمل نہیں بلکہ حضرت عمر بن خطاب (رض) کا بھی طرز عمل تھا ان کے متعلق روایات ملاحظہ ہوں۔ آپ کے اندھیرے میں نماز پڑھنے کے متعلق یہ احتمال ہے کہ وہ ایسا اندھیرا ہو جس میں آپ سپیدے کو پالیتے اور حضرت عمر (رض) کا عمل بھی اسی طرح مروی ہے ‘ جیسا کہ اس روایت میں ہے۔