١١٣٠: محمد بن عمرو بن عطاء کہتے ہیں کہ میں نے ابو حمید الساعدی (رض) کو دس اصحاب رسول (صلی اللہ علیہ وآلہ وسلم) کے ساتھ دیکھا ان میں ابو قتادہ بھی تھے ابو حمید کہنے لگے میں تم میں سے سب سے زیادہ جناب رسول اللہ (صلی اللہ علیہ وآلہ وسلم) کی نماز کو جاننے والا ہوں انھوں نے کہا کیوں ؟ جبکہ تم ہم سے زیادہ آپ کی صحبت میں بیٹھنے والے نہیں اور نہ صحبت میں ہم سے مقدم ہو تو ابو حمید کہنے لگے تمہاری بات درست ہے انھوں نے کہا آپ فرمائیں تو ابو حمید کہنے لگے کہ جب رسول اللہ (صلی اللہ علیہ وآلہ وسلم) نماز شروع فرماتے تو اپنے ہاتھوں کو کندھوں کے برابر بلند کرتے اس پر سب نے کہا تم نے درست کہا جناب رسول اللہ (صلی اللہ علیہ وآلہ وسلم) اسی طرح نماز پڑھا کرتے تھے۔ حضرت ابوہریرہ (رض) کی روایت جو پہلے مذکور ہوئی اس میں ہاتھوں کو مطلقاً بلند کرنے کا تذکرہ ہے اس بلندی کی انتہا مذکور نہیں کہ ان روایات کے خلاف ہو کیونکہ ہاتھوں کو کندھوں کے برابر کھینچ کر بلند کرنا مراد ہو یا پھر نماز سے پہلے دعا کے لیے ہاتھ بلند کرنا مراد ہو پھر نماز کی تکبیر کہہ کر کندھوں کے برابر ہاتھ بلند کرتے ہوں۔ روایت ابوہریرہ (رض) میں نماز سے قبل دعا کے لیے ہاتھ اٹھانا مراد ہے اور روایت علی و ابن عمر (رض) میں افتتاح صلوۃ کے وقت رفع کا تذکرہ ہے اس سے روایات کا تضاد ختم ہوجاتا ہے۔ اب رہا یہ سوال کہ نماز کی ابتداء میں ہاتھ اٹھا کر دعا کرنا درست ہے یا نہیں۔ ہاتھ اٹھا کر درست ہے یا نہیں۔ یہ طبرانی اوسط کی روایت ہے اور اس کے علاوہ بھی اقامت و تکبیر کے درمیان دعا کی جتنی روایات ہیں وہ سب ضعیف ہیں اقامت و تکبیر کے درمیان فاصلہ نہیں یا ابتدائً ایسا تھا پھر اذان و تکبیر کی مشروعیت کے بعد منسوخ ہوچکا اجلہ صحابہ کا عمل اس کی تصدیق کرتا ہے۔ تکبیر افتتاح کے لیے ہاتھوں کو کانوں تک اٹھایا جائے گا جیسا کہ مندرجہ روایات و آثار سے یہ ثابت ہوتا ہے۔
تخریج : ابو داؤد ١؍١٠٦۔
حاصل روایات : تکبیر افتتاح میں آپ اپنے ہاتھوں کو کندھوں کے برابر بلند کرتے تھے اس سے تجاوز مسنون نہیں۔
فریق اوّل کی روایت کا جواب :
حضرت ابوہریرہ (رض) کی روایت جو پہلے مذکور ہوئی اس میں ہاتھوں کو مطلقاً بلند کرنے کا تذکرہ ہے اس بلندی کی انتہا مذکور نہیں کہ ان روایات کے خلاف ہو کیونکہ ہاتھوں کو کندھوں کے برابر کھینچ کر بلند کرنا مراد ہو یا پھر نماز سے پہلے دعا کے لیے ہاتھ بلند کرنا مراد ہو پھر نماز کی تکبیر کہہ کر کندھوں کے برابر ہاتھ بلند کرتے ہوں۔
صورت مطابقت :
روایت ابوہریرہ (رض) میں نماز سے قبل دعا کے لیے ہاتھ اٹھانا مراد ہے اور روایت علی و ابن عمر (رض) میں افتتاح صلوۃ کے وقت رفع کا تذکرہ ہے اس سے روایات کا تضاد ختم ہوجاتا ہے۔
سوال : اب رہا یہ سوال کہ نماز کی ابتداء میں ہاتھ اٹھا کر دعا کرنا درست ہے یا نہیں۔ ہاتھ اٹھا کر درست ہے یا نہیں۔
جواب : یہ طبرانی اوسط کی روایت ہے اور اس کے علاوہ بھی اقامت و تکبیر کے درمیان دعا کی جتنی روایات ہیں وہ سب ضعیف ہیں اقامت و تکبیر کے درمیان فاصلہ نہیں یا ابتداء ً ایسا تھا پھر اذان و تکبیر کی مشروعیت کے بعد منسوخ ہوچکا اجلہ صحابہ کا عمل اس کی تصدیق کرتا ہے۔
فریق ثالث کا مؤقف :
تکبیر افتتاح کے لیے ہاتھوں کو کانوں تک اٹھایا جائے گا جیسا کہ مندرجہ روایات و آثار سے یہ ثابت ہوتا ہے۔