١١٥١: ابن ابی ملیکہ نے امّ سلمہ (رض) سے نقل کیا کہ جناب نبی اکرم (صلی اللہ علیہ وآلہ وسلم) اپنے گھر میں نماز ادا فرماتے تو بسم اللہ الرحمن الرحیم سمیت سورة فاتحہ پڑھتے۔ امام طحاوی (رح) فرماتے ہیں کہ کچھ علماء کا خیال یہ ہے کہ بسم اللہ الرحمن الرحیم سورة فاتحہ کا حصہ ہے چنانچہ نمازی کے لیے مناسب یہ ہے کہ اس کو اسی طرح پڑھے جس طرح سورة فاتحہ کو پڑھتا ہے اور ان روایات کو انھوں نے دلیل بنایا جو اصحاب رسول اللہ (صلی اللہ علیہ وآلہ وسلم) سے مروی ہیں۔
تخریج : ابو داؤد فی الحروف والقراءت نمبر ٤٠٠١۔