١١٩ : ابو رافع منقول ہے کہ میں نے جناب رسول اللہ (صلی اللہ علیہ وآلہ وسلم) کو تین تین مرتبہ وضو کرتے اور آپ کو ایک ایک مرتبہ اعضاء دھوتے دیکھا۔ جناب رسول اللہ (صلی اللہ علیہ وآلہ وسلم) سے ان مروی روایات سے یہ ثابت ہوا کہ جناب رسول اللہ (صلی اللہ علیہ وآلہ وسلم) نے ایک ایک مرتبہ وضو کیا۔ پس اس سے یہ بات ثابت ہوئی کہ آپ (صلی اللہ علیہ وآلہ وسلم) کا جو وضو تین تین مرتبہ ہے وہ فضیلت کے حصول کے لیے ہے ‘ فرض کی ادائیگی کے لیے نہیں۔
تخریج : سنن دارقطنی ١؍٨١۔
حاصل روایات : ان روایات سے ایک ایک مرتبہ دھونا ثابت ہوتا ہے اگر تین سے کم کی اجازت نہ ہوتی تو ایک ایک کا تذکرہ آپ کے قول و عمل میں نہ ملتا پس اس سے ثابت ہوا کہ تین تین مرتبہ دھونا فضیلت کو حاصل کرنے کے لیے ہے فرض نہیں اور ایک ایک مرتبہ فرض ہے کہ اس سے کم ثابت نہیں۔
البتہ ترمذی ‘ نسائی کی روایت : فمن زاد او نقص فقد ظلم و تعدٰی۔ اس کا مطلب مرۃ مرۃ والی روایات کو سامنے رکھ کر تین پر اضافہ کرنے والا ظلم وتعدی کرنے والا ہے یا شرط کے ہر ایک فعل کا جزاء کے ایک ایک فعل سے تعلق ہے من زاد کا تعلق تعدی سے اور نقص کا تعلق ظلم سے ہے کہ جس نے تین پر اضافہ کیا وہ حد سے آگے بڑھا اور جس نے کم کیا اس نے اپنے ثواب میں کمی کی۔ (واللہ اعلم) یہ ثانی تاویل روایت ابو داؤد باب ٥٢ نمبر ١٣٥ میں موجود ہے روایت نمبر ١٦٧ ملاحظہ ہو۔