١١٩٠: عبیداللہ بن ابی رافع نے حضرت علی (رض) سے روایت نقل کی ہے کہ وہ ظہر کی پہلی دو رکعتوں میں سورة فاتحہ اور قرآن مجید کا کچھ حصہ پڑھتے اور عصر میں بھی اسی طرح اور پچھلی دو رکعتوں میں صرف سورة فاتحہ پڑھتے اور مغرب کی پہلی دو رکعتوں میں سورة فاتحہ اور قرآن مجید کی بعض آیات اور دوسری یعنی تیسری میں سورة فاتحہ پڑھتے تھے عبیداللہ کہتے ہیں کہ میرے خیال میں انھوں نے اس کو جناب رسول اللہ (صلی اللہ علیہ وآلہ وسلم) کی طرف منسوب فرمایا (یعنی یہ مرفوع روایت ہے)
تخریج : ابن ابی شیبہ ١؍٣٢٥‘ عبدالرزاق ٢؍١٠٠۔