١١٩٢: ابو نضرہ نے ابو سعید الخدری (رض) سے نقل کیا کہ تین اصحاب رسول اللہ (صلی اللہ علیہ وآلہ وسلم) جمع ہوئے اور کہنے لگے آؤ! تاکہ سری نمازوں میں جناب رسول اللہ (صلی اللہ علیہ وآلہ وسلم) کی قراءت کا اندازہ کریں تو ان میں سے دو نے بھی اختلاف نہ کیا بلکہ سب نے بالاتفاق کہا کہ پہلی دو رکعتوں میں آپ کی قراءت ظہر میں تیس آیات کے برابر ہوتی تھی اور آخری دو رکعات میں اس کے نصف کے برابر ہوتی تھی اور نماز عصر کی پہلی دو رکعات میں قراءت کی مقدار ظہر کی پہلی دو رکعات کے نصف کے برابر ہوتی (یعنی پندرہ آیات کے برابر) اور پچھلی دو رکعات میں پچھلی دو رکعات ظہر کا نصف (یعنی سات آٹھ آیات کے برابر)
تخریج : ابن ماجہ فی اقامۃ الصلاۃ والسنۃ فیہا باب ٧‘ نمبر ٨٢٨۔