١٢١٨: محمد بن ابراہیم کہتے ہیں میں نے ہشام بن اسماعیل کو منبر رسول اللہ (صلی اللہ علیہ وآلہ وسلم) کے پاس کہتے سنا کہ حضرت ابو الدردائ (رض) فرماتے تھے ظہر و عصر کی پہلی دو رکعتوں میں فاتحۃ الکتاب اور دو سورتیں پڑھو اور پچھلی دو میں فاتحۃ الکتاب پڑھو۔
تخریج : ابن ابی شیبہ ١؍٣٢٥۔
حاصل روایات و آثار :
روایات ما سبق اور آثار صحابہ (رض) سے یہ بات خوب روشن ہوگئی کہ ظہر و عصر کی پہلی و پچھلی رکعات میں اسی طرح قراءت ہے جس طرح دیگر تینوں نمازوں کی پہلی اور پچھلی رکعات میں قراءت ہے۔
حاصل روایات : اس باب میں ظہر و عصر کی قراءت کو کثرت روایات اور آثار صحابہ (رض) سے اور عقلی دلیل کو بطور تنور دلیل لا کر خوب واضح کیا ہے یہاں عادت کے خلاف نظر طحاوی (رح) کو پہلے اور آخر میں آثار صحابہ کو لایا گیا ہے۔