١٢٢٣: عبیداللہ بن عبداللہ بن عتبہ نے حضرت ابن عباس (رض) سے روایت کی کہ میں نے ام الفضل بنت الحارث سے سنا جبکہ انھوں نے مجھے سورة والمرسلات عرفاً پڑھتے سنا اے میرے بیٹے ! تو نے تو مجھے اس سورت کی قراءت کر کے جناب رسول اللہ (صلی اللہ علیہ وآلہ وسلم) کی قراءت یاد دلا دی یہ آخری سورت تھی جس کی تلاوت میں نے جناب رسول اللہ (صلی اللہ علیہ وآلہ وسلم) سے مغرب میں سنی تھی۔
تخریج : بخاری فی الاذان باب ٩٨‘ مسلم فی الصلاۃ نمبر ١٧٣‘ ابو داؤد فی الصلاۃ باب ١٢٨‘ نمبر ٨١‘ نسائی فی المناسک باب ١١٤‘ ابن ماجہ فی الاقامۃ باب ٩‘ نمبر ٨٣١‘ مسند احمد ٦؍٣٣٨؍٣٤٠‘ عبدالرزاق نمبر ٢٦٩٤۔