١٢٣٦: قعقاع بن حکیم نے حضرت جابر بن عبداللہ (رض) سے نقل کیا کہ ہم جناب نبی اکرم (صلی اللہ علیہ وآلہ وسلم) کے ساتھ نماز مغرب ادا کرتے پھر محلہ بنی سلمہ میں آتے تو اس وقت تیر پھینکنے کے مقامات ابھی نظر آتے تھے۔ (مناسب روشنی ہوتی)
تخریج : عبدالرزاق ١؍٥٥١۔
حاصل روایات : یہ نکلا کہ نماز مغرب پڑھ کر تیر اندازی کی جاسکے اور تیر پھینکنے کی جگہ ثلث میل تک صاف نظر پڑے تو ممکن نہیں کہ نماز مغرب میں سورة اعراف پڑھی جائے اور اسی کا معمول ہو سورة اعراف پڑھنے کی صورت میں تو عشاء کا وقت قریب آ لگے گا چہ جائیکہ تیر اندازی کی جاسکے۔