١٢٥٢: علاء بن عبدالرحمن عن ابیہ عن ابی ہریرہ (رض) عن النبی (صلی اللہ علیہ وآلہ وسلم) اسی جیسی روایت نقل کی ہے۔ امام طحاوی (رح) فرماتے ہیں کہ کچھ لوگوں نے ان روایات کے پیش نظر تمام نمازوں میں فاتحہ کی قراءت کو واجب قرار دیا۔ دوسرے حضرات نے ان کی مخالفت کرتے ہوئے کہا کہ ہم کسی نماز میں امام کے پیچھے سورة فاتحہ یا کسی دوسری سورت کی قراءت کو جائز قرار نہیں دیتے۔ ان حضرات کے خلاف دلیل یہ ہے کہ حضرت ابوہریرہ اور حضرت عائشہ (رض) نے جناب نبی اکرم (صلی اللہ علیہ وآلہ وسلم) سے جو روایات نقل کی ہیں کہ ہر وہ نماز جس میں سورة فاتحہ نہ پڑھی جائے وہ ناقص ہے اس میں اس بات کی کوئی دلیل نہیں کہ اس سے جماعت کی نماز مراد ہے اس لیے یہ جائز نہیں کہ اس سے وہ نماز مراد لی جائے جو امام کے بغیر پڑھی جاتی ہو اس سے مقتدی آپ (صلی اللہ علیہ وآلہ وسلم) کے اس ارشاد کی بناء پر خارج ہوگیا کہ ” جو شخص امام کے ساتھ ہو تو امام کی قراءت اس کی قراءت ہے ‘ پس مقتدی تو اس آدمی کے حکم میں ہے جو امام کی قراءت سے پڑھتا ہے اس لیے مقتدی اس قول کی حدود سے خارج ہوگیا کہ ہر وہ شخص جس نے اپنی نماز میں فاتحۃ الکتاب نہ پڑھی اس کی نماز ناقص ہے ہم دیکھتے ہیں کہ ابو الدرداء (رض) نے اس سلسلے میں نبی اکرم (صلی اللہ علیہ وآلہ وسلم) سے بات سنی ہے یہ ان کے ہاں بھی مقتدی کے لیے نہیں ہے ‘ روایت ملاحظہ ہو۔
تخریج : مسند احمد باختلاف یسیر فی المتن ٢؍٤٥٧۔
حاصل روایات : فاتحۃ الکتاب تمام نمازوں سری و جہری میں پڑھی جائے گی فاتحہ کے بغیر نماز ناقص و غیر کامل ہے۔
مؤقف ثانی :
کہ فاتحۃ الکتاب اور کسی سورة کو بھی امام کے پیچھے نہ پڑھا جائے گا اس پر بہت سی روایات سے استدلال کیا گیا ہے اس کی طرف بڑھنے سے پہلے ان روایات سابقہ کا جواب ملاحظہ فرمائیں۔
جواب نمبر !: روایت حضرت ابوہریرہ (رض) جو سب سے آخر میں ہے جس نماز میں فاتحۃ الکتاب نہ پڑھی جائے وہ ناقص ہے اس روایت میں دو احتمال ہیں۔
نمبر !: اس میں امام مقتدی ‘ منفرد سب کی نماز مراد ہے کہ جو بھی ان میں سے فاتحہ ترک کرے اس کی نماز ناقص ہے۔
نمبر ": دوسرا احتمال یہ ہے کہ اس سے مراد اس آدمی کی نماز ہے جس کا کوئی امام نہ ہو یعنی امام اور منفرد تو ان کی نماز بغیر فاتحہ
ناقص و نامکمل ہے رہا مقتدی تو اس کی نماز تو جناب رسول اللہ (صلی اللہ علیہ وآلہ وسلم) کے ارشاد کے مطابق :” من کان لہ امام فقراء ۃ الامام لہ قراء ۃٌ“ اس میں امام کی قراءت کو مقتدی کی قراءت قرار دیا گیا تو گویا مقتدی ناقص نماز والوں سے نکل گیا۔
جواب نمبر ": حضرت ابوالدردائ (رض) کی روایت میں بھی یہ مضمون موجود ہے کہ مقتدی کے ذمہ قراءت نہیں ہے ہر نماز میں قراءت کے وجوب کا ارشاد خود ابوالدردائ (رض) نے جناب نبی اکرم (صلی اللہ علیہ وآلہ وسلم) سے سنا روایت ملاحظہ ہو۔