١٢٨٩: عطاء بن سائب کہتے ہیں کہ مجھے سالم البراد نے بیان کیا وہ میرے ہاں اپنی ذات سے بھی بڑھ کر قابل اعتماد ہیں کہ ابو مسعود بدری (رض) فرمانے لگے کیا میں تمہیں جناب رسول اللہ (صلی اللہ علیہ وآلہ وسلم) کی نماز پڑھ کر نہ دکھاؤں پھر انھوں نے ہمیں چار رکعت نماز پڑھائی جن میں وہ ہر جھکنے اور اٹھنے کے وقت تکبیر کہتے تھے پھر فرمانے لگے میں نے جناب رسول اللہ (صلی اللہ علیہ وآلہ وسلم) کو اسی طرح نماز پڑھتے پایا۔
تخریج : ابوداؤد فی الصلاۃ باب ١٤٤‘ نمبر ٨٦٣‘ نسائی فی الصلاۃ باب ٩٣‘ طبرانی فی المعجم الکبیر ١٧؍٢٤٠؍٢٤١۔