١٣٢٦: قیس بن عباد کہتے ہیں کہ مجھے حضرت ابی بن کعب (رض) نے کہا کہ ہمیں جناب رسول اللہ (صلی اللہ علیہ وآلہ وسلم) نے فرمایا تم اس صف میں ہوا کرو جو مجھ سے قریب تر ہے۔ امام طحاوی (رح) فرماتے ہیں : پس عبداللہ (رض) تو ان لوگوں میں سے ہیں جو جناب رسول اللہ (صلی اللہ علیہ وآلہ وسلم) کے قریب رہتے تھے تاکہ وہ آپ کے نماز والے افعال کی کیفیت جان کر دوسروں کو سکھائیں۔ پس جو ان حضرات نے بیان کیا وہ ان حضرات کے بیان سے اولیٰ اور بہتر ہے جو آپ (صلی اللہ علیہ وآلہ وسلم) سے دور رہنے والے تھے (اور ان کو کبھی کبھی حاضری کا موقعہ میسر آتا) اگر وہ کہیں جو تم نے ابراہیم سے حضرت عبداللہ (رض) سے نقل کیا وہ متصل نہیں ‘ تو ان کو یہ جواب دیا جائے گا کہ ابراہیم جب عبداللہ (رض) سے ارسال کرتے ہیں تو وہ روایت ان کے نزدیک تواتر و صحت سے پہنچی ہوئی ہوتی ہے۔ اعمش نے ان کو کہا کہ مجھے روایت بیان کرتے ہوئے سند بیان کیا کرو تو انھوں نے فرمایا : جب میں تم سے کہوں کہ عبداللہ بن مسعود (رض) نے فرمایا تو سمجھ لو کہ میں یہ بات اسی وقت کہتا ہوں جب وہ بات ایک جماعت مجھ سے بیان کرتی ہے۔ اور جب میں کہوں : حدثنی فلان عن عبد اللّٰہ (رض) ۔ تو وہ مجھے فقط اسی شخص نے بیان کی ہوتی ہے۔
تخریج : مسلم فی الصلاۃ نمبر ١٢٣۔
حاصل روایات : ان دونوں روایات سے معلوم ہوتا ہے کہ جب زیادہ سمجھ والے لوگوں کو افعال و اقوال نبویہ (صلی اللہ علیہ وآلہ وسلم) قریب سے دیکھنے کے لیے پہلی صفوف کا حکم دیا گیا ابو جعفر طحاوی (رح) رقمطراز ہیں کہ پھر عبداللہ بن مسعود (رض) تو ان لوگوں سے ہیں جو نبوت کا قرب اختیار کرنے والے ہیں تاکہ وہ آپ کے افعال کی کیفیت نماز میں پہچان لیں اور لوگوں کو اسی طرح سکھائیں پس جو بات یہ قریب ترین لوگ کریں گے وہ اس سے اولیٰ ترین ہوگی جو ان سے منقول ہو جو آپ سے صف نماز میں دور کھڑے ہوں پس عبداللہ (رض) کی روایت وائل بن حجر (رض) کی روایت سے زیادہ اولیٰ ہوگی اور قابل استدلال ہوگی۔
ایک اشکال :
فان قالوا سے ذکر کیا حضرت عبداللہ بن مسعود (رض) کی روایت جو ابراہیم نخعی سے بیان کی گئی وہ متصل السند نہیں کیونکہ ابراہیم کی پیدائش ٨ ٣ ؁ھ اور ابن مسعود (رض) کا سنہء وفات ٢ ٣ ؁ھ ہے تو پھر وائل بن حجر کی متصل السند روایت کے مقابلے میں کیسے قابل ترجیح ہوگی۔
S: ابراہیم نخعی کی جو روایت حضرت عبداللہ بن مسعود (رض) سے ارسال کے ساتھ ہے وہ اس کی صحت پر کامل یقین کے بعد وہ ارسال کرتے ہیں بلکہ وہ روایت ان کے ہاں تواتر کو پہنچی ہوتی ہے۔
ایک مرتبہ سلیمان بن مہران الاعمش (رح) نے ابراہیم نخعی (رح) کو کہا آپ مجھ سے متصل سند سے روایت بیان کیا کریں تو ابراہیم کہنے لگے جب میں آپ کو اس طرح کہوں قال عبداللہ تو میں یہ اسی وقت کہتا ہوں جب ایک جماعت مجھے عبداللہ سے بیان کرتی ہے اور اگر میں حدثنی فلان عن عبداللہ کہوں ‘ تو اس وقت وہ صرف ایک ہی آدمی بیان کرنے والا ہوتا ہے جو اس میں مذکور ہوتا ہے۔ پس میری مرسل متصل سے زیادہ قوی ہے۔