١٣٣٣: ابرہیم نے علقمہ اور اسود سے نقل کیا کہ وہ دونوں حضرت عبداللہ (رض) کی خدمت میں گئے تو آپ نے فرمایا کیا ان لوگوں نے تمہارے پیچھے نماز ادا کرلی ہے ؟ یعنی امراء نے تو ان دونوں نے کہا جی ہاں ! تو آپ ان دونوں کے درمیان کھڑے ہوئے ایک کو دائیں اور دوسرے کو بائیں جانب کھڑا کرلیا پھر ہم نے رکوع کیا تو ہم نے اپنے ہاتھ گھٹنوں پر رکھے تو انھوں نے ہمارے ہاتھ پر ضرب لگائی اور ان کو جمع کردیا پھر اپنے دونوں ہاتھوں کو جمع کر کے دونوں رانوں کے درمیان رکھ لیا جب وہ نماز پڑھ چکے تو فرمایا جناب رسول اللہ (صلی اللہ علیہ وآلہ وسلم) نے اسی طرح کیا۔
تخریج : مسلم فی المساجد ٢٦؍٢٨‘ ٣٠‘ ابو داؤد فی الصلاۃ باب ١٤٦‘ نمبر ٨٦٨‘ نسائی فی الرطبیق باب ١‘ مسند احمد ١؍٤١٤؍٤٥١‘ ٤٥٥؍٤٥٩‘ دارقطنی فی السنن ٣٣٩؍١۔
خلاصہ الزام : تطبیق کا مطلب یہ ہے کہ رکوع اور تشہد میں دونوں ہاتھوں کو ملا کر دونوں رانوں کے درمیان کمان کی طرح رکھ لیا جائے اس کے متعلق مؤقف اول یہ ہے کہ یہ رکوع و تشہد میں مسنون ہے علقمہ اور ابراہیم نخعی (رح) کا یہی مسلک ہے۔
مؤقف ثانی :
رکوع میں ہاتھوں کو سیدھا کر کے انگلیوں کو کشادہ کر کے گھٹنوں پر رکھ لیں اور تشہد ہاتھوں کو دونوں رانوں پر رکھ لیا جائے تطبیق مسنون نہیں ہے۔
فریق اوّل کا مؤقف :
کہ تطبیق مسنون ہے مندرجہ ذیل روایات اس کی دلیل ہیں۔