١٣٦١: عبیداللہ بن ابی رافع نے علی بن ابی طالب (رض) سے نقل کیا کہ جناب رسول اللہ (صلی اللہ علیہ وآلہ وسلم) رکوع کی حالت میں پڑھتے : اللہم لک رکعت وبک آمنت ولک اسلمت وانت ربی خشع لک سمعی وبصری و مخی و عظمی وعصبی اللہ رب العالمین اور سجدہ میں یہ پڑھتے اللہم لک سجدت ولک اسلمت وانت ربی سجد وجہی للذی خلقہ وشق سمعہ وبصرہ تبارک اللہ احسن الخالقین ترجمہ روایت ١٣٦٤ میں درج ہے۔
تخریج : مسلم فی صلوۃ المسافرین نمبر ٢٠١‘ ابو داؤد فی الصلاۃ باب ١١٩‘ نمبر ٧٦٠‘ ترمذی فی الدعوات باب ٣٢‘ نمبر ٢٦٦‘ نسائی فی التطبیق باب ١٣‘ ١٤‘ مسند احمد ١؍٩٥؍١٠٢‘ ١١٩۔
خلاصہ الزام : رکوع و سجود میں تسبیح کی کیا حیثیت ہے اور کون سی تسبیح مسنون ہے۔
مؤقف اول :
امام احمد (رح) اور اہل ظواہر رکوع میں تسبیح کو واجب کہتے ہیں۔
مؤقف ثانی :
احناف ‘ شوافع و مالکیہ اور تمام فقہاء و محدثین کے ہاں یہ مسنون ہے یہ مسئلہ یہاں مذکور نہیں البتہ کون سی تسبیح مسنون ہے اس میں امام شافعی ‘ احمد کے نزدیک کوئی سی دعا پڑھ لے۔
نمبر ": امام ابوحنیفہ اور حسن بصری (رح) رکوع میں سبحان ربی العظیم اور سجدہ میں سبحان ربی الاعلٰی کو مسنون ہے۔
نمبر#: امام مالک رکوع میں سبحن ربی العظیم اور سجدہ میں جو دعا پسند ہو۔

فریق اوّل :
کہ جو دعا چاہے پڑھے مسنون ہے کوئی مخصوص دعا نہیں ہے۔